كل عام وأنتم بخير

سلمى الحلوة

"إلى سلمى الجميلة.. ابنة صديقي وأخي العزيز أمير سعيد..تعبير بسيط عن حب عمو أيمن لها بعد ما شاء الله ما بدأت تزحف وتحاول مثل كل الأطفال الحلوين أن تمشي.. ويا رب أعيش وأشوفها عروسة جميلة تملا الدنيا حب وخير وسعادة"


سلمى الحلوة قَلبْ مامتها
خرجتْ مَرّه وَيَّا خالتها
رايحة تزور جدو وتيتتها
شافت بوسي قام عجبتها
..لكن بعد شوية غاظتها
ماشية تقلد ليه مشيتها؟!

صرخت سلمى فـ عربيتها
جرت القطة ودخلت بيتها

******
بعد ما رجعت .. وَيَّا مامتها
لقيت بوسي تانية في بيتها
لعبة جميلة قاعدة في حالها

حبت سلمى تجُرّ شكلها
رفعت راسها هزت ديلها
لكن القطة ولا على بالها


******

بوسي برعب وخوف بتبص
سوسو شقية نص ونص
جايبة مقص وجاية تقص
ديل القطة لحد النص

*****

ماما شافتها مسكت ايدها
وبشويش خالص ضربتها
نزلت دمعة تبلّ خدودها
طالعه رقيقه زيّ جُدودها

*****

بابا سمعها على طول جالها
خدها فـ حضنه باسها وشالها
بصّت سلمى بحب لبابا
وبعفوية .. وكل براءة
مسكت إيده بسرعة باستها
لكن زعلت وَيَّا مامتها

مدرستي

افتحي أبوابك مدرستي
عدت إليك يا مدرستي
شوقا للقلم وللكتب
شوقا للعلم وللأدب
فيك أتعلم لغتي
لغة القرآن العربية
وأكون وفياً مدرستي
وأفيد جميع البشرية
أتعلم فيك يا مدرستي
كيف أحقق أمانيّا
وكيف أفيدك يا وطني
أنجح في حياتي العملية

أجمل "فرحة"

زيِّ الشــجرةْ ما دايماً طـارحة جاتْ لنا تملا حياتنا الفرحة ْ

وامَّا هتكبر بكرة ان شـا الله "فرح" الحلوة هتلبس طرحة ْ

*****

مـاما وبـابا ويمنى وريمة ْ بيحبوكـي محـبة عــظـيمة ْ

وكمان وتيتة يا أحلى بشارة ْ واختك غادة وسلمى وسارة ْ

*****

كل ما بابا يا فرحـة يشــــوفك يجري عليكي بسرعة يبوسك ْ

اكبري ياللا وذاكري دروسك اوعي الحصـة تعدي تفـوتـك ْ

*****

يا ربِّ يا هادي يا رحمنْ ..املا حياتها بخـير وســـــلامْ

تتقـدمْ خَـطـوة لقـُدّام.. تبقـى الأولى كـمان وكـمانْ

أيمن جمال الدين