يا أجمل كلمة في الدنيا
يا ست الكل يا أمي
يا وردة فـ قلب بستاني
يا ساكنة فـ روحي وفـ دمي
أنا من قلبي بادعيلك
في كل دقيقة تتهني
*****
في عز الشمس يا أمي
رموشك ضلة تحميني
ولما البرد يهزمني
في أحضانك تدفيني
ونظرة حب في عنيكي
ولمسة ود تكفيني
****
أنا يا أمي مش ناسي
شديد القلب أو قاسي
صحيح الدنيا وخداني
وشارب مر من كاسي
لكن صورتك ما فارقتني
وحبك عالضفاف راسي
****
ومهما ألف أو أكبر
باحن لقلبك الأخضر
وقد الدنيا أو أكتر
باحبك إنت يا سكر
باحبك كل يوم أكتر
أيمن جمال الدين
هناك 4 تعليقات:
انا كمان بحبك يا امي كل يوم اكتر من اللي قبله بجد حلوه اوي يا ابيه ايمن ربنا يخليهالك ويخلي كل الامهات والابهات كمان
انا بموت في ماما واخواتى الحبوبين يا ايمن بس انا مش حقدر اخلى ماما تقرأها دلوقت لانها لوفعلت لطلبت منى السفر علطول(سورى يا ايمون)
ايمان جمال الدين
أنا أحبك يا أمي جدا وأرجو لك السلامة دائما..
وشكرا لك يا أبي على هذه الكلمات الرقيقة.
تحياتي..
ريم
في ظل غياب الصور والتراكيب
وإحتلال الألفاظ التقاليدية أو التقليدية التعريفية
إلا أن إحساس ما قد تملكني
إحساس إحيانا أشعر بفقدانه وأحيانا أخرى أشعر بفقده إليّ
ولك جزيل الشكر
إرسال تعليق